Ауыр атлетикадан Қазақстан чемпионатына 132 атлет қатысып жатыр

Шымкенттегі «Биік» спорт кешенінде ауыр атлетикадан ҚР кубогы мен чемпионаты өтіп жатыр. Ерлер мен әйелдер арасындағы жарысқа еліміздің 14 облысынан және Алматы, Астана қалаларынан 132 атлет қатысуда.

Еске сала кетейік, еліміздің ауыр атлеттері қазан айына дейін әлемдік жарыстардан шеттетілген. Сондықтан, спортшыларымыз тек ел чемпионатында өнер көрсетуде. Оңтүстіктегі сайыста спортшылар шамаларын байқап, мүмкіндіктерін көрді. Олардың қатарында Рио Олимпиадасының жеңімпаздары Карина Горичева, Денис Уланов, Александр Зайчиков және Фархад Харки секілді ел мақтаныштары бар.