Шалқарда КСРО спорт ардагерінің мерейтойына арналған турнир өтеді
Ақтөбе облысының Шалқар қаласында 17-19 мамыр аралығында КСРО спорт шебері, ҚазақКСР-на еңбегі жаттықтырушысы, спорт ардагері Жеңсікбай Санатбайұлы Симбетовтың 70 жасқа толу мерейтойына арналған грек-рим күресінен 2004-2006 жылы туылған жасөспірімдер арасындағы республикалық турнир өтеді.
Айта кететін жайт, Жеңсікбай Санатбайұлы Симбетов 1984-2009 жылдар аралығында В.Н. Цеханович атындағы дарынды балаларға арналған спорт мектебінің директоры қызметін атқарған. Ал аталмыш спорт мектептің түлектері осы күнге дейін грек-рим күресінен ұлттық құрама сапында ел намысын абыроймен қорғап жүр.
