500,000$.Қазақстан ауыр атлетикасы жазаланды

IWF ұйымы Қазақстанның ауыр атлетика федерациясын жазалады. Еліміздің федерациясы 500 мың доллар айыппұл төлеуі тиіс. Бұл туралы «Вашингтон-пост» басылымы мәлімдеді.

Биылғы жылғы жарыстарда тоғыз спортшымыздың допингпен ұсталғаны белгілі. Осының салдарынан халықаралық ауыр атлетика федерациясы біздің ұйымды осылай жазалап отыр. Егер Қазақстан айыппұлды төлемесе біздің кез келген спортшымыз төрт жыл бойы кез келген халықаралық жарысқа қатыспайды. Төрт жыл жарысқа қатыспасақ, Рио де Жанейро олимпиадасына да баруға мүмкіндік болмайтыны сөзсіз. Тіпті 2014 жылғы ауыр атлетикадан әлем чемпионатының Астанада өтпей қалуы да мүмкін.