«Канелоның» промоутері Головкиннің табысын мазақ етті

Сауль «Канело» Альварестің промоутері Оскар Де Ла Хойя Геннадий Головкиннің Ванес Мартиросянмен жекпе-жегі үшін алған гонорарының көлеміне күлді, деп жазады tengrinews.kz.

- Головкин 3 миллион тауып жүргенде, «Канело» сенсіз-ақ 40 миллион тауып жатыр, - деп жазды Оскар Де Ла Хойя Twitter желісінде.

In the mean time @GGGBoxing making 3million and @Canelo making 40 million without you. #sighnthecontract #scared #CaneloGGG2 #stopcrying

— Oscar De La Hoya (@OscarDeLaHoya) 2018年5月12日

Сонымен қатар, мексикалық промоутер Сауль «Канело» Альварестің қыркүйекте рингке оралатынын айтты. Сол кезде Головкин екеуінің реваншы өтуі мүмкін.

Айта кетейік, олардың бірінші жекпе-жегінде кімнің мықты екені анықталған жоқ, екеуі тең түсті. Реванш 5 мамырда өтуі тиіс болатын, алайда биыл ақпанда Альварес екі рет допинг-тесттен өте алмай қалды. Бірақ ол күні Головкин америкалық Ванес Мартиросянмен (36-4-1, 21 KO) жекпе-жек өткізіп, екінші раундта нокаутқа түсірді.