Семейлік «Спартак» премьер-лигаға жолдама алды

Семейдің «Спартак» командасы араға бес жылдай уақыт салып, премьер-лигаға оралды.

«Астана арена» төрінде шығыстық қос команда «Спартак» (Бірінші лигада екінші орын алған команда) мен «Восток» (чемпионатта он бірінші орын алған) премьер-лигаға берілер жалқы жолдаманы сарапқа салды.

Ойынның негізгі уақытында есеп ашылмай, матч қосымша уақытқа созылды. Ойынның 118 минутында семейлік команда сапынан Павел Пурышкин есеп ашты. Осы есеп ойын соңына дейін сақталып, «Спартак» жолдамаға ие болды. 

«Спартак»-«Восток» - 1:0 (0:0; 0:0; 1:0)

Гол: Пурышкин 118