Қытайда жағажай волейболдан Азия чемпионаты өтеді

Қытайдың Ухань қаласында 7-10 қараша күндері жағажай волейболынан ерлер мен әйелдер арасында Азия чемпионаты өтеді.

Ел намысын ерлер арасында - 3, әйелдерден - 2 жұп қорғамақ. Бұл байрақты бәсекеде Алексей Сидоренко мен Александр Дьяченко, Дмитрий Яковлев пен Алексей Кулешов, Владислав Пустынников пен Сергей Богату, Татьяна Машкова мен Иринай Цимбалова, Бақтыгүл Самаликова мен Александра Варасова сияқты спортшыларға үміт артылып отыр. Әлемдік рейтингте биылғы маусымда Алексей мен Александр 13-інші, Татьяна мен Ирина 16-17, Дмитрий мен Алексей 46-ыншы, Владислав пен Сергей 144-інші, Бақтыгүл мен Александра 281-290 орындарға табан тіреді.