Руслан Мадиев мексикалық қарсыласынан басым түсті
Қазақстандық кәсіпқой боксшы Руслан Мәдиев Головкин мен Мартиросян арасындағы кездесудің андеркартында жеңіске жетті.
Руслан Мәдиев кәсіпқой бокстағы 12 жекпе-жегін Геннадий Головкин (37-0-1, 33 КО) мен Ванес Мартиросян (36-3-1, 21 KO) арасындағы бокс кешінде өткізді. Бірінші орта салмақта жұдырықтасатын отандасымыз жеңіліп көрмеген мекискалық, Хесус Переспен (21-0, 16КО) кездесті. Он раунд бойы бір-бірін құлата алмаған қос боксшының арасынан төрешілер бірауыздан жеңісті қазақстандық боксшыға берді.
Айта кетейік, Руслан соңғы жекпе-жегін мексикалық былғары қолғап шебері Ангель Мартинезке қарсы өткізіп, техникалық нокаутпен жеңіске жеткен болатын. Геннадий Головкин (37-0-1, 33 КО) мен Ванес Мартиросянды (36-3-1, 21 KO) арасындағы кездесу 5 мамыр күні Карсон қаласындағы (Калифорния штаты, АҚШ) StubHub Center спорт кешенінде өтеді.
