Қысқы

Денис Тен мен оның достары Қазақстанға қайта оралады

news-banner7
mobile-news-top

Маусымның 9-ы Астанада «Денис Тен мен оның достары» атты қайталанбас шоу өтеді.

Дәстүрге сай қазақстандық спортшы мен мәнерлеп сырғанаудан әлемге танымал жұлдыздар елорда тұрғындары мен қала қонақтарына таңғажайып жоба ұсынады. Авторлық бағдарлама канадалық қоюшы-режиссер Шей-Линн Бурнмен бірге әзірленіп жатыр, ал музыкалық сүйемелдеу қазақстандық эстрада-симфониялық оркестріне жүктеліп отыр. Шоудың алаңы ретінде Астанадағы «Барыс Арена» мұз сарайы таңдалды.

Оған бір мезетте 11,5 мың адам сыйып кететінін айта кеткен жөн. Денис Теннің мұзды шоуы 5 жыл бұрын құрылған еді. Осы жылдар аралығында мәнерлеп сырғанаушының өнеріне қызығушылардың саны 10 мыңдаған адамға жетті. Естен кетпес бағдарламаны тамашалау үшін шетелдіктер де арнайы келген еді. 2014 жылы бір ғана Жапониядан 500 турист Қазақстанға Денистің шоуы үшін арнайы сапарлатқан. Жобаның жапондықтардың көңілінен шыққаны соншалық, олар, тіпті, деректі фильм түсіріп шықты. Сондай-ақ күншығыс елі отандасымыздың шоуын өз елінде көрсету үшін телевизиялық трансляцияға құқық алуға ниет білдірген еді.

«2016 жылдан бері жобаны ұйымдастыру бойынша үзіліс алдық, алайда бұл уақыт аралығында жаңа тың идеялар туды. Соларды біз осы жолғы шоуда міндетті түрде жүзеге асырамыз. Дәстүрге сай сапалы және көпшілікті таң қалдыратын қойылым ұсынамыз», – деп атап өтті Денис Тен.

Денис Теннің шоуына билеттердің сатылымға қай кезде шығатыны және оның танымал достары жайлы ақпарат көп ұзамай жарияланады.

Түпнұсқасы: 24.kz Ошибка в тексте? Выделите и нажмите Ctrl+Enter
Пікірлер