Ниязов пен Елеусінов жекпе-жек алдында салмақ өлшеді
![Ниязов пен Елеусінов жекпе-жек алдында салмақ өлшеді](https://prosports.kz/upload/news/content/472_3404ec3bc6809037954ddd03c3b3f5e7.jpg?v=28706177)
Бруклиндегі Barclays Center аренасында ертеңгі бокс кеші алдында салмақ өлшеу рәсімі өтті.
Америкада тұратын қазақ Димаш Ниязов жеңіл салмақ дәрежесінің лимитінен асқан жоқ – 138,6 фунт. Ал оның қарсыласы Ангел Саринаның салмағы 138,6 фунт болды.
2016 жылғы Олимпиада чемпионы Данияр Елеусінов кәсіпқой рингтегі алғашқы жекпе-жегі алдында салмақ өлшеу рәсімінен сәтті өтті. Таразыда ол 150,6 фунтты көрсетсе, қарсыласы Ноа Киддтің салмағы 150 фунт болды.
Естеріңізге сала кетсек, бұл кештің басты жекпе-жегінде Дэниэл Джейкобс пен Мацей Сулецки жұдырықтасады. Турнир 29 сәуірде таңда өтеді. Ал тікелей трансляцияны Prosports.kz сайтынан көруге болады.