Лу Дибелла: 6 айдың ішінде Халк болып кету мүмкін емес
Қазақстанның және әлемнің спорт жаңалықтарына жазылыңызБокс промоутері Лу Дибелла допингпен ұсталған Сауль Альваресті сынға алды. Промоутердің сөзінше, мексикалық боксшы бұзылған етті әдейі жеген.
«Көптеген компаниялар өз ережелерін 5 минут сайын өзгертеді. WBC басшылығы Альвареске Головкинмен жұдырықтасуды бұйырды. Канело ешқашан WBC-дің таза бокс бағдарламасына енбеген. Олар жекпе-жекті хабарлап қойды, бірақ Альварес таза бокс бағдарламасы үшін ешқашан қол қоймады.
Адамның 6 ай ішінде осындай ірі болып кетуі мүмкін емес. Ғажайып түрде Халкке айналуға болмайды. Оның 154 фунттағы жекпе-жектерінің суреттерін көріңіздерші. Мексикалық мультимиллионер бұзылған ет жеді деп ойлайсыздар ма? Мұны жазатайым жасағанына күмәнім бар», – деді Дибелла.
Естеріңізге салсақ, Сауль Альварес 5 мамырда Геннадий Головкинмен жұдырықтасуы керек болған. Алайда ақпан айында оның екі допинг-сынамасы оң нәтиже көрсетіп, Канело кездесуден бас тартты. Артынша, мексикалық боксшы алты айға жазаланды.
Енді Головкин Альварестің орнына 5 мамырда Ванес Мартиросянмен жұдырықтасады.