Ұлан Рысқұл «Жетісу бөрісі» атанды
Қазақстанның және әлемнің спорт жаңалықтарына жазылыңызТалдықорғанда қазақ күресінен «Жетісу бөрісі» деп аталатын дәстүрлі жарыс өтті.
Бұл бәсекеге Алматы облысының барлық аудан-қалаларынан 36 палуан қатысты. Олардың бәрі өз аймақтарында жеңімпаз болып, жерлестерінің үмітін арқалап келгендер. Палуандардың арасында танымал спортшылар көп болды. Әсіресе, әлемдік және халықаралық жарыстарда ел намысын абыроймен қорған жүрген майталмандардың әрбір белдесуі ерекше тартыспен өтті. Жарыс қорытындысы бойынша бас жүлдені републикалық «Қазақстан барысы» турнирінің тұңғыш иегері болған белгілі палуан Ұлан Рысқұл жеңіп алды. Енді ол Астанада өтетін үлкен додада облыс намысын қорғайтын болады.
Дереккөз: 24.kz