Ресми: Головкиннің қарсыласы анықталды
Қазақстанның және әлемнің спорт жаңалықтарына жазылыңызWBA Super, WBC, IBF және IBO тұжырымдары бойынша әлем чемпионы Геннадий Головкин 5 мамырда жұдырықтасатын болды.
Ол америкалық боксшы Ванес Мартиросянмен ресми түрде жұдырықтасатынын хабардар етті. Жекпе-жек 5 мамырда Карсондағы StubHub Center аренасында өтеді.
Естеріңізге сала кетсек, Головкин 5 мамырда Лас-Вегаста мексикалық Сауль Альвареспен жұдырықтасуы керек болатын. Алайда ақпанда Канелоның қанынан допинг табылып, мексикалық боксшы кездесуден бас тартты.
Кейін GGG-дің командасы Мартиросянмен кездесу өткізу үшін ұзақ уақыт бойы IBF-мен келіссөз жүргізді, себебі бұл ұйым Головкинінң украиналық Сергей Деревянченкомен жұдырықтасқанын қалады. Алайда IBF Головкин — Мартиросян жекпе-жегін ұйымдастыруға рұқсатын берді.