Қазақстандық боксшылар Украинадан олжалы оралды
Қазақстанның және әлемнің спорт жаңалықтарына жазылыңызҚазақстандық боксшылар Украинаның Херсон қаласында өткен Николай Мангер Мемориалында жақсы нәтиже көрсетті, деп жазады Олимпиада комитетінің ресми сайты
Аталмыш жарыс сәуірдің 10-ы мен 14-і аралығында өтті.
Біздің боксшылар жалпы саны жеті медальға қол жеткізді: үш алтын, екі күміс және екі қола.
Чемпион атағына ие болғандар: Жандос Несіпжан (49 келі), Нұрбол Қалжанов (56 келі) және Қуан Қуатов (64 келі). Күміс жүлде Азат Махметов (52 келі) пен Нұрболат Сермахановтың (+91 келі) еншісінде. Қола медальді Қанағат Маралов (69 келі) пен Ерік Әлжанов (75 келі) иеленді.