О`Салливан: GGG-дің командасы қауіпсіздеу қарсылас іздеп жатыр
Қазақстанның және әлемнің спорт жаңалықтарына жазылыңызИрландиялық боксшы Гари О`Салливан қазақстандық Геннадий Головкинмен жекпе-жек өткізуден неге бас тартқанын айтты.
«Бұл жекпе-жек PPV ақылы жүйесі арқылы НВО-да көрсетілуі керек еді. Бірақ уақыт өтуде, ал Головкиннің командасы қауіпсіздеу қарсылас іздеді. Олар жекпе-жекті Калифорнияға ауыстырғанға дейін мен Головкинмен жұдырықтасуға дайын болдым. Себебі бұл кездесудің НВО арнасында қарапайым жүйе бойынша өтетінін білдіретін еді. Мұндай тәуекелдің керегі жоқ. Басында жекпе-жекке келісімімді берген едім, алайда олар жауапты ұзаққа созды. Ал келіскен кезінде қаржыны екі есеге қысқартып тастады. Егер жақсы сыйақы берсе, Головкинмен жұдырықтасуға дайынмын», - деді О`Cалливан.
Айта кетейік, Головкин 5 мамырда кіммен жұдырықтасатыны әлі белгісіз. Негізгі кандидат – америкалық боксшы Ванес Мартиросян.