Волейболдан Қазақстан кубогының ақтық кезеңі басталды
![Волейболдан Қазақстан кубогының ақтық кезеңі басталды](https://prosports.kz/upload/news/content/file_1382943646_562085862.jpg?v=28689023)
Бүгін Қарағанды мен Хромтау қалаларында волейболдан әйелдер мен ерлер командалары арасында ХХІ Қазақстан кубогының ақтық ойындары өтуде.
Кеше жартылай финалда Қарағандыда әйелдер арасында Павлодардың «Ертіс-Қазхромын» 2:3 есебімен ұтқан «Алматы» командасы бүгін Талдықорғанның «Жетісуымен» күш сынасуда. Қазақстан чемпионатының жеңімпазы және ел кубогының иегері ретінде жарысты бірден жартылай финалдан бастаған талдықорғандықтар алаң иелерін 3:1 есебімен ұтқан болатын.
Ал Хромтаудағы ерлер арасындағы додада «Алматы» командасы павлодарлықтарды 3:0 есебімен ұтты. Олардың ақтық сындағы қарсыласы саналатын хромтаулықтардың «ТНН Қазхромы» да оралдықтардың «Конденсат-Жайықмұнайынан» - 0:3 есебімен басым түсті.