Қазақстанда жүлде қоры 20 млн болатын турнир өтеді

Мамырдың 7-8 күндері Алматыда белдесу күресінен «Халық Барысы» республикалық турнирі өтеді. Бұл туралы «Қазақстан Барысы» қазақ күресін дамыту қорының төрағасы Арман Шораев Орталық коммуникациялар қызметінде өткен баспасөз мәслихатында мәлімдеді.

Жарыс белдесу атты ұлттық жекпе-жек түрінен өтеді. Бұл күрестің ерекшелігі балуандар белдесуге кеудесі жалаңаш, шалбармен беліне белдік тағып күреседі.«Қазақ күресі мен белдесудің айырмасы өте зор деуге болады. Өйткені Балуан Шолақ, Қажымұқан сияқты бабаларымыз кезінде кең шалбармен, белдікпен шөп үстінде күрескен, егер жарыс солтүстікте өтетін болса аяғына етік киген. «Қазақстан Барысы» секілді жобаларымызда алдын ала іріктеу болса, бұл жерде дала демократиясы. Кез келген 18-ден 50 жасқа дейінгі Қазақстан азаматы мамырдың 7-не дейін Алматыға келіп тіркелу арқылы қатыса алады.