Головкин әлі де 5 мамырда жұдырықтасқысы келеді
Қазақстанның және әлемнің спорт жаңалықтарына жазылыңызҚазақстандық боксшы Геннадий Головкин 5 мамырда рингке шығуды қалайды. Алайда әлі қарсылас табылған жоқ.
«Жекпе-жекті ұйымдастыру қанша жерден қиын іс болса да, Геннадий Головкин әлі де 5 мамырда жұдырықтасқысы келеді. Сондай-ақ, IBF-мен жағдайға қатысты шешім табу үшін келіссөз жүргізіп жатыр», - деп жазды Los Angeles Times журналисі Лэнс Пагмайр.
Айта кетейік, бұған дейін Головкиннің қарсыласы америкалық Ванес Мартиросян болуы мүмкін екені хабарланған. Алайда IBF бұл жекпе-жекті қабылдаған жоқ. Ұйым IBF бойынша міндетті үміткер Сергей Деревянченко Головкиннің қарсыласы болғанын қалайды.
