«Қазцинк-Торпедо» өз алаңда «Ижстальді» қабылдайды

Бүгін Өскемен қаласының «Қазцинк-Торпедо» хоккей клубы өз алаңында «Ижсталь» (Ресей, Ижевск) командасын қабылдайды.

Қазіргі кезде Ижевск қаласының хоккей клубы лиганың жалпытурнирлік кестесінде 13-орында келеді. Осы уақытқа дейін команда 14 матч өткізіп, барлығы 22 ұпай жинаған. «Қазцинк-Торпедо» болса, Жоғары хоккей лигасының биылғы фавориті болып саналады. Соңғы ойында ол лиганың екі дүркін чемпионы - «Торос» командасына жол беріп, кестенің екінші орнына сырғыды. Оның еншісінде 33 ұпай бар.