Биатлоншылар маусымды Щучинск қаласында аяқтайды
Қазақстанның және әлемнің спорт жаңалықтарына жазылыңызЕртең Щучинск қаласындағы республикалық шаңғы базасында IBU аясында биатлоннан Азия чемпионаты өтеді. Аталмыш жарысқа Қазақстан, Қырғызстан мен Ресей командалары қатысады. Ел намысын жетекші биатлоншылар қорғайды.
- Бұл базаның ашылуын 11 жыл күттік. Бұл өте әмбебап спорт кешен. Барлық әлемдік стандарттарға сай жасалынған. Болашақта биатлоннан Қазақстан құрамасы бұл жерде жаттығады. Сондай-ақ бұл базада халықаралық турнирлер өткізу жоспарда бар. Егерде халықаралық биатлоншылар кеңесі өз келісімін берсе, Щучинскте IBU кубогы, жасөспірімдер арасындағы жарыс өткіземіз. Тіпті Әлем кубогының кезеңін өткізуге де дайынбыз - деді Қазақстан биатлоншылар кеңесінің бас хатшысы Манас Үсенов.
Айта кетейік, өткен аптада жаңа шаңғы базасында шаңғы жарысы өткен болатын. Ендігі кезек - биатлоншыларда.