Головкин Boxing Monthly журналының мұқабасына шықты

Қазақстандық былғары қолғап шебері Геннадий Головкин мен мексикалық боксшы Сауль Альварес әлемге танымал Boxing Monthly журналының мұқабасына шықты, деп хабарлайды Prosports.kz сайты.

Журналдың кезекті саны 5-ші мамыр күні Лас-Вегас қаласында өтеді деп жоспарланған Головкин мен Альварес арасындағы жекпе-жекке арналған.

Айта кетейік, Невада штатының атлеттер комиссиясы Сауль Альвареске допинг дауына байланысты шаршы алаңға шығуға уақытша тыйым салды. Бұл іске қатысты соңғы шешім 10 сәуір күні қабылданады.