Бокстан ӘЧ. Бүгін бес боксшымыз шаршы алаңға шығады

Алматыда өтіп жатқан Әлем чемпионатының 1/16 финалында құрама сапындағы соңғы 4 боксшымыз да кеше өз қарсыластарынан басым түсті.

Берік Әбдірахманов (60 келі) пуэрто рикалық Ланиелито де ла Росаны 2:1, ал Данияр Елеусінов (69 келі) Багам аралының өкілі Вах Карлды, Әділбек Ниязымбетов (81 келі) фин Вилли Хукканенді 3:0 есебімен ұтты.

Бүгін Біржан Жақыпов (49 келі), Қайрат Ералиев (56 келі), Мерей Ақшалов (64 келі), Жәнібек Әлімханұлы (75 келі), Антон Пинчук (91 келі) өздерінің екінші кездесуін, яғни 1/8 финалдық ойындарын өткізеді. Олардың қарсыластары өзбекстандық Хасанбой Дусматов (49 келі) Рустам Тулаганов (91 келі), қырғызстандық Өмірбек Малабеков (56 келі), доминикандық Карлос Адамес (64 келі), мексикалық Жуан Меркадо (75 келі) болмақ.