Сильвестр Сталлоне Головкинді ұлы боксшы деп атады
Голливудтың танымал актеры Сильвестр Сталонне инстаграм парақшасында қазақстандық боксшы Геннадий Головкиннің фотосын жариялап, оның футболкасын мақтады, деп хабарлайды Prosports.kz сайты Baq.kz ақпарат агенттігіне сілтеме жасап.
«Рокки», «Рэмбо» фильмдері арқылы танылған жұлдыз GGG мен Альварестің екінші жекпе-жегін күтіп жүр.
«Ұлы боксшы Triple G! Әлемдегі адамдардың бәрі реваншты күтуде. Керемет футболка!» - деп жазды ол.
Сталонне бокстың жанкүйері және Геннадийдің Марко Антонио Рубиомен болған жекпе-жегіне барған. Головкин мен Альварестің жекпе-жегі 5 мамыр күні Лас-Вегаста T-Mobile аренасында өтеді.
