Колядин 2022 жылы Бейжіңде өтетін Паралимпиада ойындарына қатыспақ
Қазақстанның және әлемнің спорт жаңалықтарына жазылыңызКелесі қысқы Паралимпиада ойындары 2022 жылы Бейжіңде өтеді.
Қытай астанасындағы сайысқа Пхенчхан ойындарының чемпионы Александр Колядин қатысуға ниет танытты. Бұл туралы 24-арнаның Кореяда жүрген тілшісіне хабарлады.
Пхенчхандағы паралимпиада еліміз үшін жемісті болды. Александр Колядиннің алтыны мен Александр Герлицтің 4-орын алуының арқасында Қазақстан осы спорт түрінен әлемдегі ең күшті ондықтың қатарына қосылды. Колядин – құрамамыздағы ең жасы үлкен спортшы. Қостанай облысының Сарыкөл ауылында дүниеге келген жерлесіміз қазір 45-те. 1998 жылы жол апатына ұшырап, аяғынан айырылған. Паралимпиада спортына 5 жыл бұрын келді. Жас кезінде Александр шаңғы спорты бойынша Кеңес Одағының жасөспірімдер құрамасы сапында болған.
– Сарыкөлдегі шешеме, дос-жарандарыма сәлем. Жарыста барлық күшімді салдым. Ел намысын абыроймен қорғап шықтым. Алтынмен ораламын. Күтіңіздер. Мені қолдағандарыңыз үшін көп рақмет!, - деді Александр Колядин.
Александр 2022 жылы өтетін Бейжіңдегі Паралимпиада ойындарына қатысуға ниетті. Александр Колядин ол кезде 49 жаста болады екен.
