Екатерина Айдова Минсктегі Әлем кубогында алтыншы орын алды

Қазақстандық спортшы Минсктегі Әлем кубогында конькимен 1000 метр қашықтыққа жүгіруде үздік ондыққа енді, деп хабарлайды Олимпиада комитетінің ресми сайты.

Екатерина Айдова қашықтықты 1:17.36 секундта жүгіріп өтіп, жарысты алтыншы орында аяқтады.

Жеңіс голландиялық Маррит Леенстраға бұйырды. Норвегиялық Хеге Бокко күміс жүлдені иеленсе, ресейлік Екатерина Шихова қола медальді қанағат тұтты.

Коньки тебу спортынан Әлем кубогы, Минск, Беларусь

Әйелдер, 1000 метр

1. Маррит Леенстра (Голландия) - 1:15.82
2. Хеге Бокко (Норвегия) - 1:16.03
3. Екатерина Шихова (Ресей) - 1:16.73

... 6. Екатерина Айдова (Қазақстан) - 1:17.36