Юрий Перцух: Бүгінгі кездесу біз үшін сәтті болды
Қазақстанның және әлемнің спорт жаңалықтарына жазылыңыз«Астана» командасы Қазақстан Перемьер-Лигасының екінші туры аясында сырт алаңда «Жетісуға» қарсы ойнап, 0:2 есебімен басым түсті.
Ойын соңында елордалық команданың жартылай қорғаушысы Юрий Перцух клубтың баспасөз қызметіне кездесу туралы өз пікірін білдірді.
- Жалпы алғанда бүгінгі кездесу біз үшін сәтті болды. Біз Талдықорғанға жеңіс үшін келдік және сол мақсатымызға жеттік. Ойынды ұйымдастыру барысында бірнеше қателіктер жібердік. Алайда, өзімізге қажетті ұпайға қол жеткіздік.
- Бұл ҚПЛ аясындағы сіздің алғашқы ойыныңыз. Қандай әсердесіз?
- Бапкерлер құрамы маған сенім артып, негізгі құрамда алаңға шығарғанына қуаныштымын. Алдағы уақытта маған артылған сенімді ақтап, командаға өз көмегімді тигізетін боламын.