«Астана» Кубокта кеткен есені қайтара ала ма?
Қазақстанның және әлемнің спорт жаңалықтарына жазылыңызӨткен жылы «Жетісу» командасы Бірінші Лигада өнер көрсеткендігіне қарамастан, «Астанамен» Қазақстан Кубогында жолдары түйіскен болатын.
Сол ойында «Астана» командасы бірқатар жас ойыншыларға сенім артып, алаңға шыққан еді. Ойын 2:1 есебімен талдықорғандықтардың пайдасына аяқталды. Кездесуде соғылған елордалық команданың жалғыз голының авторы Абзал Бейсебеков.
Енді, 17 наурыз күні Премьер-Лиганың 2-ші турында астаналықтарға сол жолы кеткен есені қайтаруға керемет мүмкіндік туып тұр. «Астана» және «Жетісу» командалары өзара 21 мәрте кездескен. 11 ойында елордалық команда жеңіске жетсе, 4 ойын тең аяқталып, 6 кездесуде талдықорғандықар басым түскен. Доп айырмасы 20:13.
Ал егер Талдықорғандағы кездесулер туралы айтар болсақ, «Астана» чемпионат аясындағы кездесулерде 2011 жылдан бері жеңілмей келе жатыр. Яғни, 2 рет жеңіске жетсе, 3 ойын тең аяқталған.
Ал екінші тур ойындары Астана уақытымен 15:00-де басталады. Ойынды ҚКФЛ-ТВ ютуб-арнасы тікелей эфирде көрсетеді.