ШҚО-да спорттық гимнастикадан ашық облыс чемпионаты өтуде
Қазақстанның және әлемнің спорт жаңалықтарына жазылыңызСемейде қыздар және жасөспірімдер арасында спорттық гимнастикадан ашық облыс чемпионаты өтуде. Мұндағы қатысушылар дені 5 пен 16 жас аралығын құрайды.
Аталмыш сайысқа жергілікті спортшылардан бөлек, Талдықорған, Қарағанды, Павлодар қалаларынан келген 129 жас гимнастшы жарыс жолына шықты. Мұнда үздіктер екі күнге жалғасқан бәсеке барысында анықталады.
– Спорттық іс-шара салауатты өмір салтын ұстанып, осы спортты жастар арасында кеңінен насихаттау мақсатымен өткізілуде. Сонымен қатар, сайыс нәтижесінде облыс құрамасы жасақталмақ, – деді жарыстың бас төрешісі Фирдания Хайбуллина.
Облыстық чемпионат қорытындысында, республикалық деңгейдегі додаларда өңір намысын қорғайтын облыс құрамасы жасақталады. Жуық арадағы сайыс ретінде наурыздың 26 мен сәуірдің 1 аралығында спорттық мектептер мен клубтар арасындағы Қазақстан Республикасы чемпионаты болып табылады.
ШҚО Дене шынықтыру және спорт
басқармасының баспасөз қызметі