«Челсидің» бұрынғы ойыншысы: «Қайратты» бақылап жүремін
Қазақстанның және әлемнің спорт жаңалықтарына жазылыңызРесей құрамасы мен лондондық «Челсидің» бұрынғы ойыншысы Алексей Смертин алматылық «Қайраттың» ойындарын неге бақылап жүргенін айтты.
«Қайраттың» матчтарын толық көремін деп айта алмаймын. Бірақ «хайлайтстарын», яғни, қауіпті сәттерін қарап шығамын. Мұның себебі – онда КСРО құлағалы Ресейдің ең үздік футболшысы атанған Андрей Аршавин ойнайды. Сондай-ақ, академияда жүрген басшылар үшін де қараймын», - деді Смертин.
Айта кетейік, Алексей Смертин 2000-2003 жылдар арасында франциялық «Бордода» ойнаған. Кейін «Челсиге» ауысып, 2006 жылға дейін сонда өнер көрсетті. Бірақ сол жылдары көп уақытында жалға берілді. Мансабын «Фулхэм» клубында аяқтады.