Исламның командасы атақты Пакьяоның промоутерімен серіктестік орнатты

Қазақстандық боксшы Қанат Ислам «Top Rank» промоутерлік компаниясының басшысы Боб Аруммен кездесті және серіктестік орнату жайлы кеңесті, деп хабарлайды отандық басылымдар.

Хабарламада айтылуынша, кездесуде «QAZAQ promotions» компаниясымен селбесе отырып бокс кештерін ұйымдастыруға тәжірибелі промоутер келісімін берген.

Роберт «Боб» Арум — америкалық заңгер, промоутер және белгілі кәсіпкер. «Top Rank Promotions» промоутерлік компаниясының негізін қалаушы және иесі. Украиналық Василий Ломаченко және атақты Мэнни Пакьяоның промоутері.