Мирослав Беранек: «Қарсыласымыз мықты, дегенмен жеңістен дәмеліміз»

Матч алдындағы баспасөз маслихатында ұлттық құрамамыздың бас бапкері Мирослав Беранек пен Андрей Карпович жәңе Марк Гурман журналистердің сұрақтарына жауап берді.

 

- Мирослав, барлық ойыншыларымыз кездесуге дайын ба?

 

- Өкінішке қарай жоқ. Юрий Логвиненко, Анатолий Богданов пен Андрей Финонченко матчқа қатыспайды.

 

- Андрей, команданың көңіл-күйі қалай?

 

- Қарсыламыз мықты екенін білеміз, дегенмен жеңісті көздейміз. Жақсы ойын көрсетіп жанкүйерлерімізді қуантқымыз келеді.

 

- Марк, қорғаныста жақсы ойын көрсете аламыз ба?

 

- Көрсете аламыз деген үміттемін. Бұл кездесуге тыңғылықты дайындалдық, жақсы ойын көрсетуге тырысамыз.

 

- Марк, Робби Кинді тоқтата аласын ба?

 

- Әрине, Роббиді құрметтеймін. Алайда гол соққызбау үшін бар жанымды саламын.

 

- Мирослав, Финонченконы кім алмастырады?

 

- Алаңда бірінші минуттан кім шығатын жайлы білгілеріңіз кеп тұр. Бірақ шындықты айтайын өзім де әлі білмеймін. Бірнеше нұсқам бар, соның біреуін таңдаймыз.

 

- Мирослав, Ирландияда үш ұпай олжалау қолдан келеді ме?

 

- Лайықты ойын көрсетсек әрине. 

 

- Мирослав, Ноэль Кинг “Қазақстан еуропалық деңгейдегі команда” деген. Қарсыластарыңыз жайлы не айтасыз ?

 

- Бұл команданың ойыны баяғыдан белгілі, Ойыншылары ұзын пастарға иек артады. Қәзір ойындары өзгеше, құрамаларында Робби Кин секілді адуынды футболшы бар, жеке басым оны швециялық Златан Ибрагимовичпен теңеймін.