Қуат Хамитов жоспарларымен бөлісті

Қазақстандық аралас жекпе-жек шебері Қуат Хамитов (18-6-1) өзінің Instagram парақшасында келесі кездесуінің өтетін орны жайлы мәлімдеді.

- Мен мамыр айының басында алаңға оралуға дайынмын! Ал келесі жылға жоспар, маңызды жекпе-жек, Алматыдағы футбол стадионында! Барлығы стадион жайлы айтады, ал біз, мұны жасаймыз!,- деп жазды Хамитов Instagram-да.

Естеріңізде болса, Қуат Хамитовтың соңғы жекпе-жегі өткен жылы 26 қарашада Алматыда өткен болатын.

Fight Nights Global 80 турнирінің аясында ирландиялық Питер Куиллимен (10-4-1) белдесіп, төрешілердің шешімімен жеңіске жеткен еді. Бірақ кейін тәуелсіз апелляциялық комиссия жекпе-жекті қайта қарап, кездесу нәтижесін өзгерткен болатын.