Қазақстан атлеттері Испанияда өтетін марафоннан әлем чемпионатына қатысады
Қазақстанның және әлемнің спорт жаңалықтарына жазылыңызҚазақстандық 7 жеңіл атлет 10 наурыз күні Испанияның Валенсия қаласына оқу-жаттығу жиынына аттанып кетті.
Бұл жиын 24 наурызға дейін жалғасады. Сосын 24 наурыз күні Валенсияда жартылай марафоннан әлем чемпионаты өтеді. Қазақстаннан бұл жиынға 5 ер, 2 әйел марафоншы қатысады. Атап айтсақ, Алексей Гусаров, Артем Косинов, Жанна Мамажанова, Дана Айдосова (бәрі де – Алматы), Андрей Лейменов, Әмір Байтуканов (екеуі де – ШҚО) және Михаил Красилов (Жамбыл облысы) бар.
Спортшыларды алматылық бапкер Михаил Сорокивский бастап кетті. Сосын олардың қатарына ұлттық құраманың бас бапкері Григорий Егоров пен шыдамылық бойынша аға бапкер Артем Жигалов қосылады деп күтілуде.
Осы 7 жеңіл атлеттің арасында марафонға жүгіріп жүрген ең тәжірибелі атлет деп, Андрей Лейменов пен Миахил Красиловты айтуға болады.
Ал Артем Косинов бұған дейін 3000 метрге кедергілер арқылы жүгірумен айналысқан, халықаралық дәрежедегі спорт шебері. Азия чемпионатында жүлде алған. Қазіргі кезде Косинов бапкерлік жұмыспен айналысып жүр. Былтырғы жылы Душанбеде өткен жартылай марафонға қатысқан. Бапкерлік жұмысқа бет бұрғандардың бірі – Әмір Байтуканов.
Сорокивскийдің шәкірттері Алексей Гусаров мен Жанна Мамажанова бұрын ұзақ қашықтыққа жүгірген болатын. Соңғы кездері марафонға ауысып, өз күштерін сынап жүр. Дана Айдосова болса, бұрын спорттық жүріспен айналысқан.
Айта кетейік, әлем чемпионаты қарсаңында бұларға танымал марафоншылар Гүлжанат Жанатбек пен Елена Наназиашвили қосылады.
