Ресейлік футболшы Қытайда қайтыс болды

8 наурыздан 9 наурызға қараған түні 28 жастағы ресейлік футболшы Владимир Герасимов Қытайда қайтыс болды.

Скутермен жүрген бұрынғы футболшы оқыс жағдайда автокөліктің доңғалағының астында қалған. Ал көлік жүргізушісі жол-көлік оқиғасын жасырып қалуға тырысқан. Сол себепті, ауыр жағдайда жатқан футболшы екі сағат бойы медициналық көмекке ие бола алмаған.

Қайғылы оқиғадан кейін, марқұмның мәйітін Мәскеуге әкелу үшін әрекеттер жасалып жатқан көрінеді.