Сіз тіркеуден өттіңіз! Сайтымызға кіру үшін авторизацияны қолданыңыз.
8 наурыз

«Манчестер Сити» мен «Ювентус» ширек финалға өтті

Журналист
«Манчестер Сити» мен «Ювентус» ширек финалға өтті

УЕФА Чемпиондар лигасының кезекті ширекфиналистері белгілі болды.

Сәрсенбіде ағылшынның екі клубы өз алаңында матч өткізген. «Манчестер Сити» мен «Базель» жұбының тағдыры шешіліп қойған еді. Алғашқы ойында англиялық команда қарсыласын 4:0 есебімен жеңген болатын. Қарымта кездесуде Хосеп Гвардиола жартылай екінші құрамын шығарды.

Матчтың 8-минутында Габриэл Жезуш алаң иелерін алға шығарған. Алайда, 17-минутта Мохамед Эльюнусси таразы басын теңестіріп тастады. Ал екінші таймда Михаэль Ланг гол соғып, қонақтарға жеңіс сыйлады – 1:2.

«Манчестер Сити» өз алаңында күтпеген жерден жеңіліп қалғанымен, қос ойынның қорытындысы бойынша 5:2 есебімен ширек финалға шықты.

«Тоттенхэм» - «Ювентус» матчында да осы есеп тіркелді. Алғашқы ойында командалар тең түскендіктен, қарымта матчтың жеңімпазы келесі кезеңге өтеді. «Тоттенхэм» матчты сәтті бастап, бірнеше қауіпті соққылар жасады. 39-минутта Сон Хын Мин англиялық клубты алға шығарған.

Алайда үзілістен кейін ойын тағдыры өзгеріп кетті. 64-минутта Гонсало Игуаин есепті теңестірсе, үш минуттан соң Пауло Дибала қонақтарды алға шығарды. Италиялық клуб қолда бар жеңістен айырылмай, осы есепті сақтап қала алды – 1:2. Қос матчтың қорытындысы бойынша есеп – 3:4, «Ювентус» ширек финалға өтті.

Бұған дейін испаниялық «Реал Мадрид» пен англиялық «Ливерпуль» ширек финалға жолдама алған еді.

Ошибка в тексте? Выделите и нажмите Ctrl+Enter
Пікірлер 0

Пікір қалдырасыз ба?

Кіріңіз, Тіркеліңіз немесе әлуметтік желі арқылы кіріңіз:

Үздік материалдар

Спасибо. Сообщение об опечатке отправлено нашим редакторам.