Шорт-тректен ҚР чемпионаты басталды

Өскеменде шорт-тректен 9-13 жас аралығындағы жасөспірімдер арасында Қазақстан чемпионаты басталды, деп хабарлайды Дене шынықтыру және спорт басқармасының баспасөз қызметі.

Бұл жарыста сегіз командадан 140 спортшы бақ сынайды. Шығысқазақстандық шорт-трекшілерден бөлек, Астана, Алматы қалаларынан және Қызылорда, Қостанай, Батыс Қазақстан, Қарағанды, Оңтүстік Қазақстан облыстарынан спортшылар өнер көрсетеді.