Шорт-тректен Қазақстан құрамасы ерлер эстафетасында үздік алтылыққа енді
Қазақстанның және әлемнің спорт жаңалықтарына жазылыңызҚазақстандық шорт-трекшілер 5000 метр қашықтыққа жалғасқан ерлер эстафетасында алтыншы орынға ие болды.
Денис Никиша, Нұрберген Жұмағазиев, Абзал Әжғалиев пен Еркебұлан Шамұханов бастаған команда Б финалында АҚШ-қа жол беріп, сайысты екінші орында аяқтады.
Финалда Венгрия құрамасы Олимпиада чемпионы атанды. Қытай ұжымы екінші орын иеленсе, Канада үздік үштікті түйіндеді. Төрінші орын Оңтүстік Кореяның еншісінде.
- Үш рет құлаған соң эстафетада сүрінбеуге міндетті болдым. Бар күшімді салдым. Психологиялық тұрғыда ауыр болды, - деді Жұмағазиев.
- Бүгін жақсы өнер көрсеттік, тек соңында АҚШ құрамасына жол беріп қойдық, - деді Шамұханов.
- Эстафетаны жақсы жүгірдік, ең бастысы ешкім құламады. Жалпы, нәтижеге көңілім толды, - деді Әжғалиев.