Юлия Галышева Алматыға келді

Бүгін Алматыға Оңтүстік Кореяның Пхенчхан қаласында өтіп жатқан қысқы Олимпиада ойындарының қола жүлдегері Юлия Галышева ұшып келді.

Байрақты бәсекеде ел үмітін ақтаған фристайлшы қызды әуежайда ҚР Ұлттық Олимпиада комитеті, ҚР Мәдениет және спорт министрлігі, Алматы мен ШҚО басқару комитетінің өкілдері және жас спортшылар мен көптеген жанкүйерлер күтіп алды.

Естеріңізде болса, 11 ақпан күні фристайлдың могул түрінен бақ сынаған Юлия Галышева финалда 77.40 ұпай жинап, құрама қоржынына қола медаль салған болатын.