Рейхерд Олимпиаданың гранд финалына шыға алмай қалды

Қазақстандық фристайлшылар Дмитрий Рейхерд пен Павел Колмаков Пхенчхан Олимпиадасының екінші финалынан кері қайтты, деп хабарлайды Prosports.kz.

Рейхерд биылғы Олимпиадада медаль алады деп күтілген. Алайда қазақстандық фристайлшы екінші тұғырдан секірген сәтте өрескел қате жіберіп, өте аз ұпай еншіледі - 58.64. Осылайша, ол екінші финалда 8-ші орынға табан тіреді.

Ал Колмаков 76.10 ұпай жинап, 7-ші орын алды. Оған гранд-финалға шығу үшін бір ғана саты жетпей қалды.

Екінші финалда өнер көрсеткен 12 спортшының төртеуі құлап қалды.

Айта кетейік, бірінші финалда Рейхерд 79.77, ал Колмаков 78.22 ұпай жинаған болатын.