Станимир Стоилов: Біздің бар ойымыз – «Спортингке» қарсы кездесуде

«Астана» футбол клубы Біріккен Араб Әмірлігіндегі екінші оқу-жаттығу жиынындағы соңғы кездесуін Қытайдың төрт дүркін чемпиондары «Шаньдун» командасына қарсы өткізіп, 3:0 есебімен жеңіске жетті.

Ойын соңында елордалық команда бас бапкері Станимир Стоилов жалпы оқу-жаттығу жиынын қорытындылап, бүгінгі кездесу туралы клубтың баспасөз қызметіне өз пікірімен бөлісті:

- Жақсы ойын болды. Дегенмен, кездесу барысында менің көңілімнен шықпаған сәттер де орын алды. Матчтағы бұрыштамалардың көп болуы ойын жылдамдығына әсер етті. Мен күткен жылдамдық болған жоқ. Команда өз мүмкіндігінше жақсы ойын үлгісін көрсетуге тырысты. Ойында бұдан да көп гол соғуға болар еді. Алайда, кейбір шабуылдарды соңына дейін жеткізе алмадық. Қарсылас туралы айтар болсам, «Шаньдон» командасынынан және өткен ойындағы тағы бір Қытай елінің «Ляонин» командасынан жоғары ойын үлгісін күткен болатынмын. Жалпы, екінші ОЖЖ-да жақсы жұмыс жасап, «Спортингке» қарсы кездесуге дайындалуға бар күшімізді салдық. Біздің қазіргі бар ойымыз УЕФА Еуропа Лигасының 1/16 финалы.

- Португалдықтарға қарсы ойынға команданың дайындығын қалай бағалайсыз?

- Әлі ол туралы айту ерте. «Спортингке» қарсы кездесуден кейін ғана қорытынды шығаруға болады.

- Ертең команда Астанаға оралады. Ойынға дейінгі бір аптаға жоспарларыңыз қалай?

- Ертең Астанаға оралып, бізге тез арада өзіміздің жасанды алаңға бейімделіп үлгеруіміз қажет. 15 ақпан күні тағы бір жолдастық кездесу өткіземіз.