Зарина Дияс үндістандық Карман Каур Тхандиді ұтты
Қазақстанның және әлемнің спорт жаңалықтарына жазылыңызҮндістанның Нью-Дели қаласында Федерация кубогының ойындары өтуде.
Бүгін Қазақстан құрамасы Үндістан құрамасымен шеберлік байқасуда. Алғашқы кездесуде Қазақстанның бірінші, әлемнің 55-інші ракеткасы Зарина Дияс дүниежүзілік рейтингте 284-інші орында тұрған үндістандық Карман Каур Тхандиді 6:3, 6:2 есебімен тізе бүктірді. Матч 1 сағат 2 минутқа созылды.
айта кетейік, Заринадан кейін қазақстандық Юлия Путинцева Үндістан елінің тағы бір өкілі Анкита Райнамен күш сынасады.
Еске сала кетейік, кеше А тобында Гонконг теннисшілерімен кездесуді де Зарина Дияс жеңіспен бастап, қорытындысында қазақстандықтар қарсыласын 3:0 есебімен ұтқан болатын.
