Видео: Дағыстанның премьер-министрі арнайы операция барысында ұсталды
Қазақстанның және әлемнің спорт жаңалықтарына жазылыңызДағыстанда бюджет қаражатын жымқырды деген күдікпен республика басшылары қамауға алынды, деп хабарлайды prosports.kz.
Дағыстанның спорттық күрес федерациясының басшысы әрі премьер-министрі Абдусамад Гамидов және оның орынбасарлары ФСБ-ның арнайы операция барысында құрықталды. Аталмыш оқиғаның видеосы бүгін Ресейдің тергеу комитетінің YouTube-каналында жарық көрді.
«Тінту жұмыстары барысында Абдусамад Гамидовтан ТТ маркалы алтын тапанша, екі Калашников автоматы және ату жарақтары табылды. Жақын күндері тергеу органдары лауазымды тұлғаларға айып тақпақ», - делінген тергеу комитетінің хатында.
Дереккөздің мәліметіне сүйенсек, күдіктілер Дағыстаннан Мәскеуге жеткізілді және ФСБ-ның орталық аппаратында тергеледі.
Айта кетейік, Абдусамад Гамидов КСРО-ның халықаралық дәрежедегі спорт шебері, ДР спорттық күрес федерациясының президенті.