Лев Ким: Сербияға қарсы ерекше дайындықпен шығамыз

ҚР футзал Қауымдастығының президенті Лев Ким Еуропа чемпионаты аясында өткен Қазақстан мен Ресей құрамалары арасындағы матч туралы пікірін білдірді, деп жазады Prosports.kz.

- Еуропа чемпионатындағы кез келген ойын біз үшін маңызды. Бұл матчтың нәтижесі қай команданың бірінші орынмен шығатынына тікелей әсер етті. Сондай-ақ, Ресей бұрыннан негізгі қарласымыз болатын. Соңғы ойында 3:3 есебімен тең түстік. Ресей секілді УЕФА рейтингіндегі бірінші командамен тең түсу - үлкен нәтиже.

- Ширекфиналда Сербия құрамасымен кездесеміз. Жеребе жолдас болды ма?

- Шыны керек, негізі Италиямен кездескіміз келмеген еді. Алайда олар плей-офф кезеңіне өтпей қалды. Бұл дегеніміз А тобының кез келген командасы мықты екенін көрсетеді. Сол себепті Сербияға қарсы ерекше дайындықпен шығамыз.