Іске сәт! Жігіттер жорыққа аттанбақ

Бүгін Люблянада (Словения) Қазақстан құрамасы футзалдан Еуропа чемпионаты аясында алғашқы кездесуін өткізеді, деп хабарлайды prosports.kz.

Жерлестеріміз Польша командасымен күш сынасады. «Арена Стожице» спорт сарайында өтетін кездесу Астана уақытымен сағат 23:00 басталады. Ойынды «Хабар» телеарнасы тікелей эфирден көрсетеді.

Айта кететін жайт, Какау шәкірттері Люблянада алғашқы жаттығыуын да өткізді.

Естеріңізге салайық, «В» тобындағы бірінші кездесуде польшалықтар күтпеген жерден азулы Ресей командасына қарсы ойында бір ұпай еншілеп, тең ойнады (1:1). Топтағы соңғы кездесу 3 ақпан күні өтеді.