Еліміздің ең мықты кудошылары Орал қаласында ҚР кубогын сарапқа салды
Қазақстанның және әлемнің спорт жаңалықтарына жазылыңызЕліміздің ең мықты кудошылары Орал қаласында Қазақстан республикасы кубогын сарапқа салды, деп хабарлайды хабар телеарнасы.
Жарысқа 6 облыстың 60-тан астам спортшысы қатысты.
Жекпе-жек түрлерінің ішіндегі ең жасы саналатын кудо 80 жылдардың басында пайда болған. Елімізде 2010 жылдардан бастап қанат жая бастады. Мұнда каратэ, дзюдо, муай-тай тәсілдері қолданылады, ұруға, тебуге, партерде күресуге де болады. Нағыз ұрыс өнері аталатын жекпе-жекпен бүгінде мыңдаған өрен шұғылданады. Жарыс қорытындысы бойынша жалпыкомандалық есепте батысқазақстандықтар бірінші орынды иеленсе, қостанайлықтар мен ақтөбеліктер алғашқы үштіктен табылды.
Дархан Темірәлиев, жарысқа қатысушы:
– Мен негізі каратэмен айналысамын. Өзімді сынап көру үшін кудоға бірінші рет шықтым. Каратэден айырмашылығы бар. Барынша қатты соққы жасауға болады. Кудо жекпе-жегі ұнайды.