Ұлттық құрамамыз Еуропа чемпионатына дайындықты бастады
Қазақстанның және әлемнің спорт жаңалықтарына жазылыңызФутзалдан Қазақстан ұлттық құрамасы қаңтар айының соңында басталатын Еуропа чемпионатына дайындықты бастады.
Бразилиялық маман Какаудың шәірттері Словенияның Любляна қаласында өтетін Еуро-2018 турниріне тыңғылықты дайындалуда. 25 футзалшыдан құралған кеңейтілген тізімінен осы жолғы дайындыққа 17 ойыншы шақырылды. Бірақ, Словенияға олардың 14-і ғана барады.
Сонымен қатар ұлттық құрамамыз 27 қаңтарда Украинамен жолдастық кездесу өткізуді жоспарлап отыр. Ал Еуропа чемпионатындағы алғашқы ойынымыз 1 ақпанда Польша құрамасына қарсы өтеді. Араға екі күн салып, топтағы екінші қарсыласымыз Ресеймен күш сынасатын боламыз.
Оқу-жаттығу жиынына шақырту алған футзалшылар:
Қақпашылар: Григорий Шамро («Ақтөбе»), Игита («Қайрат»);
Алаңдағы ойыншылр: Арнольд Кнауб, Александр Довгань, Даурен Тұрсағұлов, Біржан Оразов (Бәрі - «Жетісу»), Серік Жаманқұлов, Лео, Дінмұхамбет Сүлейменов, Шыңғыс Есенаманов, Михаил Першин, Дуглас, Даурен Нұрғожин (Бәрі - «Қайрат»), Павел Таку, Қайрат Иманалин, Альберт Акбаликов (Бәрі - «Ақтөбе»), Антон Рындин («Аят»).