Владимир Аржанов «Жетісуға» ауысады

Украиналық жартылай қорғаушы Владимир Аржанов талдықорғандық «Жетісу» командасының Түркиядағы жаттығу жиынына қатысады, деп хабарлайды отандық басылымдар.

32 жастағы Владимир үшін Қазақстан премьер лигасы бөтен емес. 2015-2016 жылдары «Атырау» сапында өнер көрсетті. Былтыр қыста қызылордалық «Қайсар» командасына ауысқан. Ол жақта да тәп-тәуір ойнады. 31 кездесуде алаңға шығып 5 гол соғып, 4 голдық пас шығарды.