Иванов ядро серпуден Қазақстан чемпионы атанды

Ядро серпуден Қазақстан ұлттық құрамасының көшбасшысы Иван Иванов Өскеменде өткен Қазақстан кубогының бірінші кезеңінде айқын басымдықпен жеңіске жетті. Бұл туралы ҚР Жеңіл атлетика федерациясының ресми сайтына хабарлады.

Алматы облысының тумасы ұзақ уақыттан бері ұлттық құраманың бірінші нөмірлі спортшысы. Ол елішілік және халықаралық жарыстарда бабының жоғары деңгейде екенін байқатып жүр.

Иванов былтырғы маусымда Азия рейтингінде екінші орынға жайғасқан болатын. Оның ең үздік көрсеткіші - 20 метр.

Әзірге қазақстандық жеңіл атлеттер арасында Ивановтың деңгейіне жететін ядро серпуші жоқ. Сондықтан Қазақстан кубогы Иван үшін дайындық деңгейін тексеріп көру мүмкіндігі. 25 жастағы атлет соңғы үш айда Португалияда жаттыққан еді.

Иван Қазақстан кубогының алғашқы кезеңін жақсы бастады. Өскеменде спортшының ең үздік көрсеткіші 19,81 метр болды. Сөйтіп, екінші орын алған қостанайлық Дмитрий Зозулядан 7 метрге озып кетті.

Қазақстан кубогы, бірінші кезең.

11 қаңтар. Өскемен.

Ядро серпу, ерлер:

1. Иван Иванов (Алматы обл.) - 19.81;

2. Дмитрий Зозуля (Қостанай обл) - 12.53;

3. Евгений Прядкин (Қарағанды обл) - 11.29;