Бородюк ұлттық құраманың жеңілісіне кінәлі екендігін айтты

Бүгін ҚФФ президенті қатысуымен жаттықтырушылар кеңесінің жиыны өтті.

Жиында сөз алған Ұлттық құраманың бас бапкері Александр Бородюк бас команданың сүреңсіз ойынынан кінәлі екендігін мойындады.

Естеріңізде болса Бородюк өткен жылдың ақпан айында Қазақстан футбол федерациясымен үш жылға келісімшартқа отырған. Бородюк баптаған құрамамыз былтыр жеті кездесу өткізіп бірде-бірінде жеңіске жете алмады. Жеті ойынның алтауында жеңілістің кермек дәмін татса, біреуінде тең түскен. Гол айырмашылығы – 4:18.

Бородюктің құрамадағы тағдыры алдағы уақытта шешілетін болды.