«Астананы» отандық маман жаттықтыруы мүмкін
Станимир Стойлов 1 қаңтардан бастап «Астана» командасының бас бапкері қызметін атқармайды.
Болгарлық маман мен «Астана» клубы арасындағы үш жылдық келісімшарттың мерзімі 2017 жылдың 31 желтоқсан күні аяқталған болатын. Әзірге қос тараптың бір келісімге келгені туралы ақпарат шықпады.
Prosports тілшісіне белгілі болғандай, елордалық команданың тізгінін Григорий Бабаян ұстауы мүмкін. Отандық маман «Астананы» клуб 2014 жылы Станимир Стойлов келмей тұрып, жарты жыл жаттықтырған болатын. Одан кейін болгарлық маманның көмекшісі қызметін атқарды.
