2017 жылы қазақстандықтар спортшылардан Головкинді көп «іздеген»
Қазақстанның және әлемнің спорт жаңалықтарына жазылыңызӘр жылдың соңында Google әр елге байланысты сараптамалық қорытынды шығарады. Сол әдеті бойынша, компания Қазақстан аймағында ең көп ізделген сөздерді анықтады. Топ-сұраныстар бірнеше категория бойынша жіктелген, олар: "Жыл адамы", "Жыл фильмі", "Жыл сатылымы", "Жыл сериалы".
"Жыл адамы" нұсқасында үздік үштікке қазақстандық боксшы Геннадий Головкин енді. GGG биылғы жылы екі жекпе-жек өткізген. Алғашқысын наурыз айында америкалық Дэниел Джейкобсқа қарсы өткізсе, екінші кездесуінде мексикалық Сауль Альвареспен жұдырықтасты. Екі жекпе-жекте де Головкин орта салмақтағы WBA (Super) IBO, WBC және IBF тұжырымдары бойынша әлем чемпионы белбеуін қорғап қалды.
"Жылдың топ сұранысы" категориясы бойынша бірінші орында "Тақтар ойыны 7 маусым" тіркесі тұр. Қазақстан бойынша жылдың ең көп интернет сұранысқа ие болған адамы сөзсіз Димаш Құдайбергенов болды. Ал, сатылымдар бойынша Қысқы Универсиада мен Экспо билеттері көп ізделген екен.